وهلأ لَوين؟

في مُهندسه كنت شغال معاها في شركه في مصر من تلات سنين جت معايا هنا في الشركه..الشركه القديمه اللي سبتها من تلات سنين دي كنت دايما بعمل فيها مشاكل وكنت مجننهم في عيشتهم..عشان كلهم عواجيز وطيازهم تقيله ومابيعملوش الشغل غير بالطرق العتيقه..وانا مابعرفش اعمل كده..الدنيا اتطورت..فكان مغضوب عليا و بيتضرب بيا المثل في الفشل..عشان مش بشتغل على هواهم..الأيام لفت والبنت دي جات معانا هنا..اكبر مني سنتين شغل هي..عاديه في الشغل..بتسمع الكلام يعني..وده المطلوب.إنبستط اوي لما قالتلي انها مستغربه من ان كريم اللي عايش في الـ لالا لاند واللي كان مغضوب عليه في الشركه زمان، شايل كل الشغل ده ومسئول عن ناس كتير دلوقتي..ده أكدلي اني قبل كده لما كنت بقول ان “ده مش مكاني” كان عندي حق

أأمل ان زي مالقيت مكان قدرت انتسبله في الشغل الأكاديمي، إني ألاقي مكان أقدر انتسبله روحياً وعقلياً..لإن دي مش حياتي..انا مش عايش عشان اعمل اللي انا بعمله دلوقتي ده.

these nightmares might kill me one day

my throat is hurting from screaming

anyway

بخصوص موضوع ما..كنت فاكر ان آخر خليه في عقلي مسئوله عن الموضوع ده ماتت خلاص..لكن كابوس عنيف من نوعه امبارح أثبتلي ان لسه في شوية خلايا دماغيه عايشه وبتقوم بدورها اللي اتعودت عليه من سنين..

خلينا نشوف بكره فيه ايه..هل الخلايا دي هتنتشر من تاني ولا هتختفى نهائياً

السباحه علمتني حاجات كتير غير كونها رياضه مثاليه

علمتني اني اقدر احقق اهدافي لو تعبتلها..بعد ما حققت معاها اهداف كنت فاكرها اكبر من قدراتي

علمتني اني لو شربت ميه وشرقت وانا بعوم..ماققفش..أكمل واحاول اتحكم في المشكله عشان اعرف اوصل

علمتني اني لو بسابق حد وسبقني..أكمل بعد ما نوصل حتى لو هو وقف..هو سبقني خلاص، بس انا قدرت اكمل بعد نقطة الوصول..حتى لو ماتحسبش انا برضه كسبان وروحت ابعد

علمتني إني لو اكتسبت قوه في الميه، قوتي في الهوا هتزيد اكتر..يعني مش ضروري افضل في نفس الوسط اللي متعود عليه عشان اتقدم..لازم اتأقلم واخبط في ظروف وأوساط مختلفه او اصعب

اكتسبت هدوء وتنظيم ومرونه اكتر..عرفتني على جسمي اكتر..وعرفت نُقط القوه ونقط الضعف

اتمنى اني افضل مواظب عليها على طول

why? because nothing really matters

عمري ما قفلت أي باب مع اي حد..وتقريباً اللي بيقرب مني بيعرف كده كويس..فبيكونوا عارفين اني كده كده موجود مش هروح في حته..فـ مش مشكله لو حد زعلني ولا نسيني فتره..بيكونوا عارفين اني مع اول كلمه “ازيك وحشتني” هرجع تاني زي ما كنت ويمكن احسن

اللي فعلاً بيبزلوا مجهود عشان يحافظوا عليا في حياتهم قليلين اوي..أوي يعني..مش بيعتمدوا على حتة اني مبزعلش من حد دي..مش بيحسسوني بيها اصلاً

على العموم..

فقط في عالمي،عالمی انا فقط..أؤمن بإن الصوت ينتقل في الفراغ..على عكس الجميع

قلبي بروحي يوصلك ويرجعك..قلبي بروحي يوصلك ويرجعك